Teambericht Damen 1 (3L) - 2014-2015

Es isch haubi sächsi, hei grad z Barrageturnier hinger üs. Fasch hätts üs Hühner glängt, und mir wäre id 3L pro ufgstige. Mit emne ganz tolle Fanpublikum simee agfüret worde und hei kes Ei la gheie. Dr Kampfgeischt und dr Gloube a Sieg hett üs bis zum Schluss begleitet.

Mir hei d Saison ufem 2. Rang abgschlosse und hei üses gsetzte Ziel erreicht. Stolz simer ou, dass mir trotz Hühnermangel nie es 3:0 kassiert hei. A dere Steu danke mir üsne tapfere Küken Nina und Jael, dass sie spontan si ihgsprunge, und souverän ufem Feld si gsi. Üse Obergüggu, dr Paolo hett üs ging motiviert und ab und zue grupft.

Endi Saison isch afangs Saison. "Füdlebäll", wärde villicht als neui Abnahmetechnik ihfüehre. Da mir über Ostere chli Stress wärde ha, mache mir es chlises Pöiseli und starte mit voller Power i di neui Saison. Chiiiiicken Ruuuuuun!