Matchbericht VBC Lyss vs. SV Strättligen b - Gekämpft bis zum Umfallen

Nachdäm aui mit dä richtige Hose ir Haue si gstande, isch üses zwöite Meisterschaftsspiu gäge Strättlige los gange.. (einheitlechi Farb isch vo Vorteil😜)

Im erschte Satz simer nonid ganz parat gsi u si immer äs paar Pünkt hinge dri gsi. Mir hei Isatz gäh, varianteriich gspiut und trotzdäm hets nid fürne Satzgwinn glängt. 22:25

Mit platzierte Agriffe und starche Service hei mir immer ä chliine Vorsprung chönne phaute u dr erscht Satzgwinn is trochne bracht. Dr zwöit Satz heimer 25:20 für üs entschide.

Mit nume siebe Spielerinne si üs langsam chli d Chräft usgange.. mir hei kämpft um jedä Bau. Trotzdäm hets nid glängt ou dä Satz für üs chönne z’entscheide. 16:25

Nachere chliine Baisse hei mir nomau üsi letschti Energie bündlet. Punkt für Punkt hei mir üs ane witere Satzgwinn häre kämpft. Es het einigi umstrittni Schiri-Entscheide gä.. d Närve vo üs u dä Gägner si blank gläge. Dä Fans ihre Puls isch ou agstige heimer ghöre säge..:-) Mit 26:28 hei mir dr Satz knapp Strättlige müesse überlah.

Es isch es spannends Spiu gsi u het gfägt! Go, fight, win!!👏🏼👏🏼👏🏼👏🏼

Autor: Dame 2